İlk Atom Bombası

Atom bombası bilinən digər bomba növləri ilə  təqribən eyni ölçüdə olsa da, onlardan fərqli olaraq qat-qat daha çox məhvedici gücə sahibdir. Atom bombası bir ərazini alovu və ya radiyası ilə tamamilə yox edə bilər.

Bəs atom bombası ilk dəfə nə vaxt istifadə olunub?

İlk atom bombası İkinci Dünya Müharibəsinin sonunda Amerika Birləşmiş Ştatlarında hazırlanıb. Belə ki, 2 avqust 1939-cu ildə Albert Eynşteyn və bəzi elm adamları ABŞ Prezidenti F.D.Ruzveltə Nasist Almaniyasının atom bombası üçün Uran-235-i saflaşdırmağa çalıştığı haqqında məktub yazır. Buna cavab olaraq ABŞ-da öz atom bombasını yaratmaq üçün fəaliyyətə başlayır. Beləliklə, 1939-1945-ci illər arasında məqsədi atom bombası yaratmaq olan “Manhetten layihəsi” Los-Alamosda baş tutur. Layihənin başındakı şəxs teorik fizik Culius Robert Oppenheymer idi və onu zaman ötdükcə “atom bombasının atası” adlandırmağa başlayırlar.

8 Sentyabr 1945, ilk atom bombası atılmasından 1 ay sonra çəkilmiş foto.

Nəhayət, ilk testin  baş tutacağı gün gəlib çatır. Amma eyni zamanda da partlamanın şiddətinin dünyanın yox olmasına gətirib çıxaracaq qədər güclü təsirlərə malik olmasından və səbəb olacağı radiyasiyanın ətrafdakı insanlara mənfi təsirindən qorxurdular. Nəhayət, partlama anı gəlir: 16 İyul 1945-ci il, saat 05:29:45’.

“Manhetten layihəsi” Nasist  Almaniyasına qarşı istifadə üçün planlandırılmışdı. İkinci Dünya Müharibəsində Almaniyanın uduzmasından sonra Albert Eynşteyn, Leo Szilard və sonrasında fizik Edvard Teller Franklin Ruzveltə məktub yazıblar. Məktubda bombanın istifadəsinin çox təhlükəli olacağını və aradan qaldırılmasını tələb etmişdilər. Lakin II Dünya Müharibəsinin qızğın vaxtları idi və Amerika  qalib gəlmək üçün əlindən gələn hər şey etməyə hazır idi.

Atom bombasının hədəfində isə  Hiroşima, Kokura, Niiqata və Naqasaki kimi şəhərlər var idi. Belə ki, ikinci bombanın Hiroşimaya atılacağı qərarı alınmışdı. Maraqlısı odur ki, hücumdan bir neçə saat öncə Yaponiya amerikan təyyarələrinin gəlməsi haqqında məlumatlanmışdı. Lakin gələn təyyarələrin çox az sayda olduğunu bildikləri üçün buna qarşı xüsusi tədbir alma ehtiyacını görməmişdilər. Təxminən 08:00-da Hiroşima şəhərinin radarını izləyən operator yaxınlaşan amerikan təyyarələrinin sayının çox az olmasını bildirmiş və nəticədə hava həyəcanı ləğv edilmişdir. Sadəcə 3 təyyarə Yaponiya səmalarında idi: atom bombasını daşıyan “Enola Gay”, müşahidə təyyarəsi “The Great Artiste” və “Necessary Evil” təyyarələri.  

Beləliklə , 6 avqust 1945-ci il saat 08:15-də “Enola Gay” adlı təyyarə “Little Boy” atom bombasını Hiroşimaya atdı. Bomba atılması nəticəsində 70.000-80.000 arasında insan həlak olmuşdu. Ümumiyyətlə isə, Hiroşimanın 90 %-i yerlə bir olmuşdu.

Hiroşimaya atılmış “Little Boy” bombasını daşıyan “Enola Gay” təyyarəsi və havalimanı işçiləri.

Daha sonrakı hədəf Kokura idi. Lakin Kokura səmalarında hava şəraiti buna uyğun deyildi. Buna görə, təyyarələr Naqasakiyə doğru istiqamətləndilər. 9 avqust 1945-ci il, saat 11:01-də “Fat Man” adlı atom bombası “Bockscar” təyyarəsindən Naqasakiyə buraxıldı.

Naqasakiyə atılmış “Fat Man” bombasını daşıyan “Bockscar” təyyarəsi.

Bombardmanın ilk saniyəsindəcə 70.000 nəfər həlak olmuş, 60.000 nəfər isə, yaralanmışdı. Bombalamanın sonrasında isə radiyasiya zəhərlənməsindən ölümlərin ardı-arası kəsilmək bilmirdi.

9 avqust 1945-ci ildən dən sonra heç bir müharibədə bir daha atom bombası istifadə olunmadı. 

İstifadə olunan şəkillərin mənbələri: https://www.nytimes.com/2015/08/06/world/asia/did-us-have-to-drop-atomic-bombs-on-hiroshima-and-nagasaki.html

https://www.newstatesman.com/world-affairs/2015/08/hiroshima-and-nagasaki-single-greatest-acts-terrorism-human-history

https://tr.wikipedia.org/wiki/Bockscar

Mənbə: Ali Çimen- “Tarihi Değiştirenler”

Yazar: Natrium

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış /  Dəyişdir )

Google foto

Google hesabınızdan istifadə edərək şərh edirsinz. Çıxış /  Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış /  Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış /  Dəyişdir )

%s qoşulma

%d bloqqer bunu bəyənir: